PANDIGON MAHALLASIDA FUQAROLAR QABULI O‘TKAZILDI

Xalq deputatlari Quva tuman Kengashi deputati, Quva tumani hokimi X.Umarov o‘zi
saylangan saylov okrugi hududidagi Pandigon mahalla fuqarolar yig‘inida tuman
Kengashi kotibiyati mudiri R.Nodirov ishtirokida navbatdagi fuqarolar qabulini
o‘tkazdi.

Qabul davomida fuqarolarning ijtimoiy-iqtisodiy masalalar, infratuzilmani
yaxshilash, bandlikni ta’minlash, kommunal xizmatlar sifati hamda boshqa
dolzarb yo‘nalishlarga oid murojaatlari tinglandi. Har bir murojaat yuzasidan
atroflicha fikr almashilib, ularni qonuniy va o‘z vaqtida hal etish bo‘yicha
tegishli mutasaddilarga aniq vazifalar belgilandi.

Shuningdek, qabul jarayonida aholini qiynab kelayotgan ayrim masalalar joyida
o‘rganilib, tezkor hal etish choralari ko‘rildi. Qo‘shimcha o‘rganish talab
etiladigan murojaatlar ijrosi nazoratga olinib, ularning yechimi yuzasidan
mas’ul tashkilotlarga tegishli topshiriqlar berildi.