Bugungi kunda mahallada keng ko‘lamli bunyodkorlik ishlari izchil davom etib, hudud infratuzilmasini yaxshilashga qaratilgan muhim loyihalar bosqichma-bosqich amalga oshirilmoqda. Xususan:

Ko‘kalamzorlashtirish ishlari keng quloch yozib, turli manzarali daraxt va gul ko‘chatlari ekilmoqda, natijada hudud yanada fayzli va go‘zal maskanga aylanmoqda.
Ko‘chalarga ekilayotgan rang-barang gullar mahallaga o‘ziga xos chiroy va estetik ko‘rinish baxsh etmoqda.
Ichki yo‘llar va piyodalar yo‘laklari tartibga keltirilib, aholining kundalik harakatlanishi uchun qulay sharoitlar yaratilmoqda.
Ko‘p qavatli uylarning tashqi fasad qismlari zamonaviy ko‘rinishda ta’mirlanib, yangilanmoqda.

Deputat tomonidan har bir amalga oshirilayotgan ish joyiga chiqib o‘rganilib, sifat va samaradorlik alohida nazorat qilinmoqda. Har bir detalga e’tibor qaratilayotgani esa olib borilayotgan ishlarning natijadorligini yanada oshirmoqda.

Eng muhimi, bu ishlar aholining turmush darajasini yaxshilash, ular uchun yanada qulay va zamonaviy yashash muhitini yaratishga xizmat qilmoqda.

“Barkamol” MFY bugun nafaqat obod hudud, balki ahillik, hamjihatlik va taraqqiyot timsoliga aylanib bormoqda.