Urgut tumanidagi “Vatkan-Qo'zibek” mahallasidagi ishlar-deputat tomonidan o'rganildi.

✍️Xalq deputatlari Samarqand viloyati Kengashi deputati Boboyeva Hilola Urgut tumani “Vatkan-Qo'zibek” mahallasida oilaviy poliklinika binosida davlat dasturi asosida keng ko‘lamli mukammal ta’mirlash ishlari faoliyati bilan yaqindan tanishdi.

✍️Mazkur bunyodkorlik ishlari “Fayz Zamin Montaj” XK tomonidan amalga oshirilayotgan bo‘lib, loyihaning umumiy qiymati 3 milliard so‘mni tashkil etadi.

✍️Hozirgi kunda binoning ichki va tashqi qismi to‘liq yangilanib, zamonaviy talablarga mos ravishda ta’mirlanmoqda. Shuningdek, bemorlar va tibbiyot xodimlari uchun barcha qulayliklar yaratish, xonalarni zamonaviy jihozlash hamda infratuzilmani yaxshilash ishlari ham olib borilmoqda.

✍️Ushbu ta’mirlash ishlari yakunlangach, hudud аҳolisiga yanada sifatli, qulay va zamonaviy tibbiy xizmat ko‘rsatish imkoniyati yaratiladi. Ayniqsa, fuqarolarning salomatligini mustahkamlash, tibbiy ko‘rik va davolanish jarayonlarini samarali tashkil etishda muhim ahamiyat kasb etadi.