Xalq deputatlari Qiziltepa tumani Kengashining 18-G‘oyibon saylov okrugidan saylangan tuman Kengashi deputat M. Karimova o‘z saylov okrugidagi aholi bilan uchrashuv o‘tkazdi.
Uchrashuv davomida G‘oyibon mahallasida O‘zbekiston Respublikasi Mustaqilligining 35 yilligini munosib kutib olish, mahalla hududlarini yanada obod va ko‘rkam maskanga aylantirish masalalari muhokama qilindi.

Xususan, Navgandi ko‘chasida va aholi xonadonlari atrofida obodonlashtirish ishlarini olib borish, daraxtlarni oqlash, “Oq soch” arig‘i bo‘ylarini tozalash hamda hudud sanitariya holatini yaxshilash bo‘yicha ko‘cha vakillari va fuqarolar bilan suhbat tashkil etildi.

Muloqot jarayonida amalga oshirilishi lozim bo‘lgan ishlar yuzasidan takliflar tinglanib, ularni bosqichma-bosqich tashkil etish bo‘yicha aniq reja va vazifalar belgilab olindi.