Xalq deputatlari Paxtakor tumani Kengashi kotibiyati mudiri K.Mamanova hamda 5-Quruvchi va 19-Baxmal saylov okruglari deputatlari A.Isakulov va N.Sulaymonov O‘zbekiston Respublikasi Prezidentining 2024-yil 31-dekabrdagi PQ–468-sonli qarori ijrosi yuzasidan tumanda “drayver” loyihalari doirasida amalga oshirilayotgan ishlar bilan joyiga chiqib tanishdilar.

Jumladan, Respublika byudjeti mablag‘lari hisobidan 3 milliard 125 million so‘m mablag‘ evaziga “Samarqand” mahallasi hududidagi “Janubiy Mirzacho‘l” kanali qirg‘og‘ida barpo etilgan sohil bo‘yi turizm va aholi dam olish maskani faoliyati o‘rganildi.

Aholi va tashrif buyuruvchilar uchun yaratilgan shart-sharoitlar, hududning obodonlashtirilishi, sanitariya-gigiyena holati, ko‘kalamzorlashtirish ishlari hamda xavfsizlikni ta’minlash bo‘yicha amalga oshirilgan chora-tadbirlar ko‘zdan kechirildi.