Deputat xalq ichida: Muammolar joyida o‘rganilmoqda

Xalq deputatlari Uzun tumani Kengashi deputati A.Bakiyev o‘zi saylangan hudud — “Erkinlik” mahalla fuqarolar yig‘inida bo‘lib, aholi bilan bevosita muloqot o‘tkazdi.

Uchrashuv xonalarda emas, balki bevosita ko‘chalarda, aholining kundalik hayot kechirish joylarida tashkil etilib, fuqarolarning muammolari va murojaatlari joyida tinglandi.

Aholi tomonidan yo‘llar holati, kommunal tizim, ichimlik suvi ta’minoti hamda ijtimoiy ko‘mak masalalariga oid bir qator murojaatlar kelib tushdi.

Har bir murojaat deputat tomonidan alohida nazoratga olindi.

Yechimi ma’lum vaqt va mablag‘ talab etadigan masalalar yuzasidan mutasaddi tashkilotlarga deputatlik so‘rovi yuborish belgilandi.

Deputat va saylovchilar o‘rtasidagi bunday ochiq muloqotlar hududdagi muammolarni tezkor va samarali hal etishga xizmat qiladi.