Xalq deputatlari Uchquduq tuman Kengashining 2-“Shalxar” saylov okrugidan saylangan deputati K.Narchayev tomonidan tuman veterinariya bo‘limida O‘zbekiston Respublikasining “Veterinariya to‘g‘risida”gi O‘RQ-397-son Qonuni ijrosi yuzasidan o‘rganish ishlari olib borildi.

O‘rganish davomida veterinariya xizmatlari faoliyati, hayvonlar sog‘lig‘ini muhofaza qilish, yuqumli kasalliklarning oldini olish, profilaktik tadbirlarning amalga oshirilishi hamda sohaga oid qonunchilik hujjatlari ijrosi holati tahlil qilindi.

Shuningdek, veterinariya bo‘limi tomonidan chorva mollari va uy hayvonlari o‘rtasida kasalliklarning oldini olish, emlash tadbirlarini o‘z vaqtida tashkil etish hamda aholiga ko‘rsatilayotgan veterinariya xizmatlari sifati yuzasidan ma’lumotlar tinglandi.

O‘rganish yakunida aniqlangan masalalar bo‘yicha tegishli tavsiyalar berilib, qonun ijrosini ta’minlash va sohaga oid ishlarni yanada takomillashtirish yuzasidan zarur chora-tadbirlarni amalga oshirish lozimligi ta’kidlandi.