Сўх туман Халқ депутатлари Кенгашининг Аграр, сув хўжалиги ва экология масалалари бўйича доимий комиссияси раис ўринбосари Ж. Уводуллоев томонидан туман ижтимоий-иқтисодий ривожлантириш, инвестиция ва инфратузилма дастурлари доирасида белгиланган режаларнинг амалга оширилиши ўрганилди. 🔍

Ўрганишлар давомида сайлов округларига бириктирилган депутатлар томонидан режалар ижроси юзасидан олиб борилган ишлар, қурилиш ва ободонлаштириш тадбирлари, шунингдек, аҳоли учун яратилаётган шарт-шароитлар таҳлил қилинди. 📊

Дастурлар доирасида амалга оширилаётган режаларнинг бажарилиш ҳолати, мавжуд муаммолар ва уларни бартараф этиш бўйича кўрилаётган чоралар муҳокама этилди. 📋

Ўрганиш натижаларига кўра, режалар ижросини янада самарали ташкил этиш, белгиланган вазифаларнинг ўз вақтида бажарилишини таъминлаш ҳамда депутатлик назоратини кучайтириш бўйича тегишли тавсиялар берилди. 🤝

Ҳудудларни комплекс ривожлантириш, аҳоли турмуш шароитини яхшилаш ва инвестиция режаларининг самарали амалга оширилиши масалалари доимий назоратда сақланмоқда.