Sessiya doirasida Xalq deputatlari Termiz shahar Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zosi Allamuradova Shoxista Nosirovnaning muzokara so‘zi eshitilmoqda.

Mazkur tashabbus O‘zbekiston Respublikasi Prezidentining yoshlar siyosatiga oid davlat siyosatini izchil amalga oshirish, yoshlarning yozgi ta’til davrini mazmunli tashkil etish hamda ularni kasb-hunar, tadbirkorlik, sport, madaniyat, san’at, kitobxonlik va axborot texnologiyalari yo‘nalishlariga keng jalb etishga qaratilgan.

Shuningdek, dastur yoshlar o‘rtasida sog‘lom turmush tarzini targ‘ib qilish, ularning ijtimoiy faolligini oshirish hamda bo‘sh vaqtini samarali va foydali o‘tkazish imkoniyatlarini kengaytirishga xizmat qiladi.

Sessiyada deputatlar tomonidan “Dolzarb 90 kun” chora-tadbirlar rejasida belgilangan vazifalarni sifatli va samarali amalga oshirish, yoshlarning yozgi ta’tilini mazmunli tashkil etish, ularni kasb-hunar, sport, madaniyat, kitobxonlik hamda zamonaviy texnologiyalar yo‘nalishlariga keng jalb etish, shuningdek, mahallalar va ta’lim muassasalarida yoshlar bilan ishlash tizimini yanada takomillashtirish yuzasidan taklif va mulohazalar bildirildi.