Халқ депутатлари Пахтаобод тумани Кенгаши депутати Х.Сотиболдиев туман фавқулодда вазиятлар бўлими ҳамда туман мактабгача ва мактаб таълими бўлими ходимлари билан биргаликда тумандаги 6-сонли давлат мактабгача таълим ташкилотида бўлди.

Ташкилотда хавфсизликни таъминлаш бўйича ташкилий ишлар, ходимларнинг фавқулодда ҳолатларда ҳаракат қилиш тайёргарлиги, ёнғин ўчириш ва эвакуация воситаларининг ишчи ҳолати, электр тармоқлари ҳамда бино ва ўйин майдончаларининг жисмоний хавфсизлиги синчковлик билан кўздан кечирилди.