📌 Fuqarolarning davlat pensiya ta’minoti – ijtimoiy himoya va farovon hayot kafolati

▶️ O‘zbekiston Respublikasining 2022-yil 26-oktabrdagi O‘RQ–795-sonli “Fuqarolarning davlat pensiya ta’minoti to‘g‘risida”gi Qonuniga pensiya tayinlash tartibini takomillashtirishga qaratilgan o‘zgartirish va qo‘shimchalar kiritish haqida”gi Qonuni fuqarolarning pensiya olish huquqlarini yanada mustahkamlash, pensiya tayinlash jarayonlarini soddalashtirish hamda aholiga qulay xizmatlar ko‘rsatishni ta’minlashga qaratilgan.

▶️ Mazkur qonun asosida fuqarolarning qarilik, nogironlik hamda boquvchisini yo‘qotganlik holatlarida davlat tomonidan ijtimoiy himoyasi kuchaytirilib, pensiya tizimining samaradorligi oshirilmoqda.

Bugungi kunda mamlakatimizda pensiya tizimini raqamlashtirish, xizmatlarning ochiqligi va shaffofligini ta’minlash, fuqarolarga ortiqcha ovoragarchiliksiz xizmat ko‘rsatish bo‘yicha keng ko‘lamli islohotlar amalga oshirilmoqda.

▶️ Inson qadri va manfaatlari ustuvor bo‘lgan Yangi O‘zbekistonda pensionerlarni qo‘llab-quvvatlash, ularning hayot sifatini yaxshilash hamda ijtimoiy himoyani kuchaytirish davlat siyosatining muhim yo‘nalishlaridan biri hisoblanadi.

✅ Pensiya ta’minoti tizimini takomillashtirish jamiyatda adolat, ijtimoiy barqarorlik va fuqarolarning ertangi kunga ishonchini mustahkamlashga xizmat qiladi