Xalq deputatlari Kosonsoy tuman Kengashi kotibiyati mudiri D.Valiyeva hamda tuman Kengashi deputatlari K.Abbosxonova va A.Dadajonov tomonidan Tagijar mahallasi hududida yo‘l harakati xavfsizligini ta’minlash va yo‘l-transport hodisalarining oldini olish maqsadida deputatlik o‘rganish tahlili o‘tkazildi.

👥 O‘rganish jarayonida tuman Yo‘l harakati xavfsizligi bo‘limi boshlig‘i, tuman Yo‘llardan foydalanish unitar korxonasi rahbari, mahalla yettiligi a’zolari hamda faol fuqarolar ishtirok etib, hududdagi mavjud holatlar joyiga chiqqan holda ko‘zdan kechirildi.

🛣 O‘rganish davomida mahalla hududidan o‘tuvchi avtomobil yo‘llarida harakat xavfsizligi bilan bog‘liq ayrim muammolar aniqlandi. Xususan, maktab qarshisida transport vositalari tez harakatlanishi o‘quvchilar xavfsizligiga salbiy ta’sir ko‘rsatayotgani, shuningdek, mahalla hududidan o‘tgan asosiy yo‘lning ayrim xavfli burilish nuqtalarida muhofaza vositalarining yetarli emasligi qayd etildi.