Xalq deputatlari Boyovut tumani Kengashi kotibiyatining ish rejasiga muvofiq Boyovut tumani “Navro‘z” mahallasida mahalla yettiligi faoliyati yuzasidan o‘rganish ishlari olib borildi.

O‘rganish davomida mahalla fuqarolar yig‘ini raisi N.Hakimov 2026-yil 14-mart kuni o‘tkazilgan mahalla raisi saylovlarida g‘olib bo‘lib, o‘z faoliyatini boshlagani ma’lum bo‘ldi. Faoliyat boshlaganiga ko‘p vaqt bo‘lmaganiga qaramay, mahallada bir qator ijobiy ishlar amalga oshirilayotgani kuzatildi.

Xususan, mahalla raisi tomonidan aholi bilan muntazam uchrashuvlar va ochiq muloqotlar tashkil etib borilayotgani, fuqarolarning murojaat va takliflariga alohida e’tibor qaratilayotgani qayd etildi. Shuningdek, mahalla hududidagi ichki yo‘llar holati o‘rganilib, mavjud dasturlar doirasida ko‘chalarni bosqichma-bosqich asfaltlash ishlari amalga oshirilayotgani sababli ushbu yo‘nalishda jiddiy muammolar mavjud emasligi aniqlandi.

Bundan tashqari, mahalla raisining tashabbusi bilan ehtiyojmand oilalardan biriga amaliy yordam ko‘rsatilgani va bu boradagi ishlar davom ettirilayotgani ta’kidlandi.

O‘rganish yakunida Xalq deputatlari Boyovut tumani Kengashi raisi tomonidan mahalla faoliyatiga oid ayrim hujjatlarni amaldagi talablar asosida rasmiylashtirish hamda aniqlangan kamchiliklarni bartaraf etish yuzasidan tegishli tavsiyalar berildi.

“Navro‘z” mahallasi haqida qisqacha ma’lumot:
⚫️Aholi soni – 5 476 nafar;
⚫️Oilalar soni – 1 627 ta;
⚫️Xonadonlar soni – 1 078 ta;
⚫️Ko‘chalar soni – 22 ta;
⚫️Erkaklar soni – 2 879 nafar;
⚫️Ayollar soni – 2 597 nafar;
⚫️Nogironligi bo‘lgan shaxslar – 212 nafar;
⚫️Mehnat migratsiyasida bo‘lgan fuqarolar – 280 nafar;
⚫️Ishsiz fuqarolar – 33 nafar.