Xalq deputatlari Vobkent tumani Kengashi deputati Baxtiyor Boboqulov tuman Kengashi kotibiyati bosh mutaxassislari Sh. Ismatov va B. Navroʻzovlar bilan birgalikda tumanda aholini ijtimoiy muhofaza qilish tizimi hamda ijtimoiy xodimlar tomonidan amalga oshirilayotgan ishlar yuzasidan Vobkent tumani “Inson” ijtimoiy xizmatlar markazida oʻrganishlar olib borildi.

🔍Oʻrganish jarayonida kam taʼminlangan oilalarga ijtimoiy nafaqalar va moddiy yordamlarni tayinlash hamda ularni oʻz vaqtida yetkazib berish tizimi, murojaatlar bilan ishlash samaradorligi, shuningdek ehtiyojmand fuqarolarni qoʻllab-quvvatlash borasida amalga oshirilayotgan ishlar atroflicha tahlil qilindi.

👨‍🦽Shuningdek, markaz faoliyatida fuqarolarga xizmat koʻrsatish sifati, murojaatlarni koʻrib chiqish tezkorligi hamda ijtimoiy yordamlarning manzilliligi masalalariga alohida eʼtibor qaratildi.

🖥Oʻrganish yakunida ijtimoiy himoya tizimini yanada takomillashtirish, aholining ehtiyojmand qatlamini qoʻllab-quvvatlashda shaffoflik va samaradorlikni oshirish boʻyicha tegishli tavsiyalar berildi.

📌 Maqsad — aholining ijtimoiy himoyaga muhtoj qatlamiga koʻrsatilayotgan yordam sifatini yanada oshirish va tizimni yanada samarali tashkil etishdir.