MUROJAATLAR O‘RGANILIB, MUAMMOLARNI BARTARAF ETISH CHORALARI BELGILANDI

Xalq deputatlari Quva tuman Kengashi deputati M.Sayfidinov G‘alaba mahalla
fuqarolar yig‘ini aholisining murojaatlari asosida hududda o‘rganish ishlarini
olib bordi.

O‘rganish jarayonida fuqarolar tomonidan G‘alaba ko‘chasidagi ko‘p qavatli
64-uyning tom qismi ancha eskirgani, yomg‘irli kunlarda tomdan suv o‘tishi
oqibatida xonadonlarda namlik paydo bo‘layotgani, shuningdek, mahalla
hududidagi elektr tarmoqlariga tegishli ayrim kabellarning simyog‘ochlarda
osilib qolgani aholi tomonidan bildirildi.

Mazkur masalalar joyiga chiqqan holda o‘rganilib, muammolarni bartaraf etish
yuzasidan mutasaddi tashkilotlarga tegishli choralarni amalga oshirish bo‘yicha
taklif va tavsiyalar berildi. Deputat tomonidan murojaatlarda ko‘tarilgan
masalalar nazoratga olinib, ularning ijobiy hal etilishi yuzasidan amaliy
ishlar olib borilishi ta’kidlandi.
O‘rganish jarayonida aniqlangan masalalar “Deputatning ko‘cha aylanish
daftari”ga kiritilib, ularning ijrosi nazoratga olindi.