O‘zbekiston Respublikasi Oliy Majlisi Senati huzuridagi Mahalliy vakillik organlari faoliyatini kuchaytirishga ko‘maklashuvchi komissiyaning 2024 yil 31 yanvardagi 22-son qarori ijrosini ta’minlash maqsadida xalq deputatlari Bo‘ston tumani Kengashi deputati B.Soliyeva tomonidan “Bog‘i eram” saylov okrugi saylovchilari bilan navbatdagi uchrashuv tashkil etildi.

Tasdiqlangan jadvalga muvofiq o‘tkazilgan uchrashuv davomida deputat o‘zining amalga oshirgan ishlari hamda oldida turgan ustuvor vazifalar xususida axborot berdi. Tadbirda tuman tashkilotlari mas’ul xodimlari ishtirok etib, fuqarolarning taklif va murojaatlarini tingladilar.

Ochiq muloqot jarayonida aholini tashvishga solayotgan dolzarb masalalar muhokama qilinib, ularni hal etish yuzasidan amaliy chora-tadbirlar belgilab olindi.

Bo‘ston tumanida aholi bilan ochiq, samarali va manzilli muloqotlarni tashkil etish borasidagi ishlar izchil davom ettiriladi.