#doimiykomissiya #poytaxtdeputatlari #deputatlik_faoliyati

❗️Xalq deputatlari Toshkent shahar Kengashining Qurilish, kommunal, suv xo‘jaligi, ekologiya, sanoat va transport masalalari bo‘yicha doimiy komissiyasi yig‘ilishi bo‘lib o‘tdi. Mazkur komissiya yig‘ilishida xalq deputatlari Toshkent shahar Kengashi huzuridagi ekspert guruhi a’zolari ham ishtirok etdi.

📝 Yig‘ilishda kun tartibiga muvofiq to‘rtta muhim masala ko‘rib chiqilib, mas’ul tashkilotlar rahbarlarining hisobotlari deputatlar tomonidan atroflicha muhokama qilindi.

📁 Dastlab deputatlar Toshkent shahridagi kanallar atrofini obodonlashtirish bo‘yicha 2025-yilda amalga oshirilgan ishlar to‘g‘risidagi masala yuzasidan Toshkent shahar Kanallardan foydalanish va ularga tutash hududlarni obodonlashtirish  majmuasi kotibiyat mudiri Abdurahmonov Olimjon hamda boshqarma boshlig‘ining birinchi o‘rinbosari - Bosh muhandis Xo‘jabekov Muxiddin Bahodir o‘g‘lining hisobotlarini tinglab, atroflicha muhokama qildi.

📉 Shuningdek, kun tartibidagi keyingi masala Toshkent shahrida avtomobil yo‘llarini qurish, qayta qurish, ta’mirlash va saqlash holati to‘g‘risidagi masala ham muhokama qilindi. Mazkur masala yuzasidan Transport tizimini samarali tashkil etishni ta’minlash kotibiyati mudiri J.Xodjimanov hamda "Toshkent shahar yo‘l harakatini tashkil etish markazi" MChJ  Jamoat transporti ustuvorligini ta’minlash bo‘limi boshlig‘i O.Norbo‘tayevlar deputatlarga hisobot berdi.

🔺 Yig‘ilish davomida deputatlar Toshkent shahar Yakkasaroy tumani Moviy gumbazlar xiyoboni hududidagi 1 tup 350 yoshli oq tut daraxti (Morus alba)ni davlat tabiat yodgorliklari deb e’lon qilish to‘g‘risidagi masala yuzasidan Toshkent shahar ekologiya, atrof-muhitni muhofaza qilish va iqlim o‘zgarishi boshqarmasi boshlig‘i Rasulov Akmal Asqarovich o‘z hisobotini deputatlarga taqdim etdi. Mazkur masala deputatlar tomonidan ko‘rib chiqilib muhokama qilindi.

🔎 Kun tartibidagi so‘nggi O‘zboshimchalik bilan egallab olingan yer uchastkalari hamda ularda qurilgan binolar va inshootlarga bo‘lgan huquqlarni e’tirof etish to‘g‘risidagi masala yuzasidan Toshkent shahar adliya boshqarmasi boshlig‘i Sodiqov Ulug‘bek Egamberdiyevich hamda Davlat kadastrlari palatasining Toshkent shahar boshqarmasi boshlig‘i Yunusov Abdulaziz Abdugapparovichlar hisobot berdi. Mazkur masala deputatlar tomonidan eshitilib, muhokama qilindi.

🗣 Yig‘ilish yakunida deputatlar hamda ekspertlar tomonidan bildirilgan taklif va tavsiyalar asosida ko‘rib chiqilgan masalalar yuzasidan tegishli qarorlar qabul qilindi.

📱 Telegram 📱 Instagram 📱 Facebook 📱 YouTube 🔎 E-kengash