Xalq deputatlari Taxiatosh tumani Kengashining “Agrar, suv xo‘jaligi va ekologiya masalalari bo‘yicha” doimiy komissiyasining navbatdagi yig‘ilishi bo‘lib o‘tdi.

👥 Yig‘ilishda doimiy komissiya raisi Shapiyev Bekbergen Abdreymovich, komissiya a’zosi Taganberdiyev Galpak Arazdurdiyevich, Kengash kotibiyati bosh mutaxassisi A.Aymbetov hamda O‘zbekiston Liberal-demokratik partiyasi Taxiatosh tumani apparat rahbari A.Aytmuratov ishtirok etdi.

📋 Kun tartibiga muvofiq, Taxiatosh tumani suv yetkazib berish xizmati davlat muassasasi rahbari o‘rinbosari D.Allamuratovning O‘zbekiston Respublikasi Prezidentining 2025-yil 12-sentabrdagi PF-172-sonli Farmoni ijrosi yuzasidan hisoboti tinglandi.

🌾 Hisobotda qishloq xo‘jaligiga mo‘ljallangan yer uchastkalariga bo‘lgan ijara huquqini elektron onlayn auksion savdolari orqali sotishdan tushgan mablag‘larni hududlarda qishloq va suv xo‘jaligi infratuzilmasini rivojlantirishga yo‘naltirish bo‘yicha amalga oshirilayotgan ishlar haqida ma’lumot berildi.

💧 Xususan, sug‘orish tizimlarini takomillashtirish, suv tejovchi texnologiyalarni joriy etish, yangi yer maydonlarini o‘zlashtirish hamda sohaga innovatsion yondashuvlarni tatbiq etish masalalari muhokama qilindi.

🔍 Komissiya a’zolari tomonidan Farmon ijrosining borishi yuzasidan savol-javoblar o‘tkazilib, ajratilayotgan mablag‘lardan samarali foydalanish hamda belgilangan vazifalarning o‘z vaqtida bajarilishini ta’minlash bo‘yicha tegishli tavsiyalar bildirildi.

✅ Yig‘ilish yakunida muhokama qilingan masalalar yuzasidan tegishli qaror va tavsiyalar qabul qilindi.