Maktab kutubxonasi faoliyati o‘rganildi.

Xalq deputatlari Qiziltepa tuman Kengashi kotibiyati mudiri U.Bobojonov tumandagi 25-sonli umumta’lim maktabida bo‘lib, ta’lim muassasasida yaratilgan sharoitlar hamda maktab kutubxonasi faoliyati bilan yaqindan tanishdi.

Tashrif davomida kutubxona fondidagi badiiy va ilmiy adabiyotlar, darsliklar bilan ta’minlanganlik darajasi, kitoblarni saqlash holati hamda o‘quvchilar uchun yaratilgan qulay sharoitlar ko‘zdan kechirildi.

Shuningdek, yoshlar o‘rtasida kitobxonlik madaniyatini yuksaltirish, mutolaa qilishga bo‘lgan qiziqishni oshirish va ularning bo‘sh vaqtini mazmunli tashkil etish borasida amalga oshirilayotgan ishlar muhokama qilindi.

Suhbat davomida kutubxona faoliyatini yanada takomillashtirish, kitob fondini boyitish hamda o‘quvchilarning zamonaviy bilim va axborot manbalaridan samarali foydalanishlari uchun zarur sharoitlarni kengaytirish yuzasidan tegishli tavsiyalar berildi.