ДЕПУТАТ ЛОЙИҲА ДОИРАСИДА АМАЛГА ОШИРИЛАЁТГАН ИШЛАР БИЛАН ТАНИШДИ
ХАЛҚ ДЕПУТАТЛАРИ ЯНГИҚЎРҒОН ТУМАНИ КЕНГАШИ депутати Боймирзаев Улуғбек Муҳаммадович томонидан сайлов округида жойлашган маҳаллада бўлиб, Жаҳон банкининг Қишлоқ инфратузилмасини ривожлантириш лойиҳаси доирасида амалга оширилаётган ишлар билан танишди.
Ўрганиш давомида маҳаллада электр таъминотини яхшилаш мақсадида 700 миллион сўм маблағ ҳисобидан 4 километр масофадаги электр тармоқларини янгилаш, эски электр таянч устунларини алмаштириш ҳамда янги сим тортиш ишлари режалаштирилгани маълум қилинди.
Айни пайтда лойиҳа доирасида ўрнатиладиган янги электр таянч устунлари маҳаллага келтирилган бўлиб, яқин кунларда монтаж ишларини бошлаш режалаштирилмоқда.
Депутат томонидан лойиҳанинг ўз вақтида ва сифатли амалга оширилиши, аҳолига қулайликлар яратилиши юзасидан тегишли мутасаддиларга таклиф ва тавсиялар берилди.