👥 Xalq deputatlari Shovot tumani Kengashi raisi J.Babajanov hamda Kengash kotibiyati xodimi U.Ruzmetov tomonidan tumandagi Tuproqqal’a mahallasi Uch Chinor ko‘chasida istiqomat qiluvchi fuqarolarning murojaati joyiga chiqqan holda o‘rganildi.
📍 O‘rganish davomida fuqarolar tomonidan Uch Chinor ko‘chasining 55-uy oldidan 135-uy oldigacha bo‘lgan qismida piyodalar yo‘lakchasi tashkil etish masalasi ko‘tarildi. Ta’kidlanishicha, mazkur hududda piyodalar harakati uchun qulay va xavfsiz sharoit yaratish zarurati mavjud.
📝 Murojaat mazmuni atroflicha o‘rganilib, mavjud holat ko‘zdan kechirildi hamda fuqarolarning taklif va mulohazalari tinglandi.
✅ O‘rganish yakunlari bo‘yicha ushbu masalani ijobiy hal etish maqsadida Shovot tumani Obodonlashtirish boshqarmasi hamda tuman hokimligiga deputatlik so‘rovi yuborilishi belgilandi.
🤝 Fuqarolar murojaatlarini o‘z vaqtida o‘rganish va ularning muammolarini hal etishga ko‘maklashish xalq deputatlari faoliyatining ustuvor yo‘nalishlaridan biri hisoblanadi.