Xalq deputatlari Urganch shahar Kengashi deputati N.Sharipova "Obod mahalla – obod xonadon" dasturi doirasida shahardagi "Jingavuz" mahallasida obodonlashtirish ishlarini amalga oshirdi. 

Tashabbus doirasida mahalla hududidagi uzoq vaqt qarovsiz qolib ketgan va sanitariya holatini yaxshilash zarur bo‘lgan joylar tartibga keltirildi. 

Hududlar begona o‘tlardan tozalanib, chiqindilar olib chiqildi hamda atrof-muhitni yanada obod va ko‘rkam qilishga qaratilgan amaliy ishlar bajarildi.

Mazkur sa’y-harakatlar mahalla aholisining yashash sharoitlarini yaxshilash, ekologik muhitni sog‘lomlashtirish hamda hududning sanitariya va obodonlashtirish holatini yanada yaxshilashga xizmat qilmoqda.

Obod va ozoda mahalla — farovon hayot hamda sog‘lom turmush garovidir.

Bu kabi ezgu tashabbuslar orqali mahallalarimiz yanada fayzli va yashash uchun qulay maskanga aylanmoqda.