Xalq deputatlari Tuproqqal’a tuman Kengashining navbatdagi sessiyasida tumanda 2026-yilning I choragi davomida favqulodda vaziyatlarning oldini olish borasida amalga oshirilgan ishlar muhokama qilindi.

Sessiyada tuman Favqulodda vaziyatlar bo‘limining hisoboti eshitilib, yong‘inlar profilaktikasi, aholi xavfsizligini ta’minlash va favqulodda holatlarning oldini olish bo‘yicha amalga oshirilayotgan ishlar tahlil qilindi.

Muhokamalar davomida mavjud kamchiliklarni bartaraf etish, mahallalarda profilaktik tadbirlarni kuchaytirish, aholi o‘rtasida tushuntirish ishlarini kengaytirish bo‘yicha mas’ullarga tegishli vazifalar belgilandi.

Deputatlar tomonidan xavfsizlikni ta’minlash faqat xizmatlarning emas, balki har bir fuqaroning mas’uliyati ekanligi ta’kidlandi.