#tavsiyalar_asosida

Xalq deputatlari Kogon shahar Kengashi kotibiyati mudiri Sh. Isamutdinov hamda mutaxassislar I. Ikromov va Z. Temirovalar tomonidan Amir Temur mahalla fuqarolar yig‘inida amalga oshirilayotgan obodonlashtirish va sanitariya-tozalash ishlari joyiga chiqqan holda o‘rganildi. O‘rganish davomida mahalla hududidagi ko‘chalar, ichki yo‘laklar, jamoat joylari va chiqindi to‘plash maydonlarining holati ko‘zdan kechirildi. Aholi vakillari bilan muloqot qilinib, hududni yanada obod qilish, tozalikni saqlash hamda mavjud muammolarni bartaraf etish yuzasidan fikr-mulohazalar tinglandi.

Shuningdek, maishiy chiqindilarni o‘z vaqtida olib chiqish, noqonuniy chiqindi to‘planishining oldini olish hamda sanitariya talablariga rioya etish masalalariga alohida e’tibor qaratildi. Tegishli mas’ul tashkilotlar bilan hamkorlikda olib borilgan ishlar natijasida hududda to‘planib qolgan chiqindilar o‘z vaqtida olib chiqilishiga erishildi. Mahalla hududining ozodaligi va obodonligini ta’minlash borasidagi ishlarni izchil davom ettirish yuzasidan tegishli tavsiyalar va vazifalar belgilab olindi. Bu kabi o‘rganishlar hududlarni yanada obod va fayzli maskanga aylantirishga xizmat qilmoqda.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash