Uchrashuv davomida aholini qiynab kelayotgan masalalar muhokama qilinib, davlat xizmatlaridan foydalanish tartiblari bo‘yicha tushuntirishlar berildi. Xususan:
Fuqarolarga tug‘ilganlik, nikoh va o‘limni qayd etish, kadastr hujjatlarini rasmiylashtirish hamda subsidiya va ijtimoiy yordam olish bo‘yicha davlat xizmatlaridan foydalanish tartibi tushuntirildi.
Ayrim fuqarolar tomonidan uy-joy hujjatlarini rasmiylashtirish, kadastr hujjatlarini olish va meros masalalariga oid murojaatlar bildirildi.
Yoshlarni tadbirkorlikka jalb etish, imtiyozli kreditlar olish va o‘zini o‘zi band qilish dasturlari yuzasidan tavsiyalar berildi.
Mahalla hududidagi ichki yo‘llarni ta’mirlash, ichimlik suvi ta’minoti va ko‘cha yoritgichlarini yaxshilash bo‘yicha takliflar tinglandi.
Davlat xizmatlari markazi xodimlari tomonidan xizmatlardan elektron tarzda foydalanish, my.gov.uz portali imkoniyatlari hamda xizmat ko‘rsatish muddatlari haqida batafsil ma’lumot berildi.
Uchrashuv yakunida fuqarolarning murojaatlari tegishli tartibda ro‘yxatga olinib, ularni hal etish yuzasidan mas’ullarga tegishli topshiriqlar berildi.