Xalq deputatlari Chilonzor tumani Kengashining 18-saylov okrugi deputati Marina Melisovna Kim tomonidan saylov okrugi hududida fuqarolar murojaatlarini o‘rganish va mavjud muammolarni aniqlash maqsadida navbatdagi o‘rganish ishlari amalga oshirildi.

Tashrif davomida aholi bilan bevosita muloqot o‘tkazilib, hududdagi ijtimoiy-iqtisodiy holat, aholiga yaratilayotgan shart-sharoitlar hamda fuqarolarni qiynayotgan masalalar o‘rganildi. Jumladan, aholiga tibbiy yordam ko‘rsatilishi, kommunal xizmatlar sifati, hududlarni obodonlashtirish, sanitariya holati va boshqa dolzarb yo‘nalishlar bo‘yicha murojaatlar tinglandi.

O‘rganishlar natijasida aniqlangan muammolar hamda fuqarolar tomonidan bildirilgan murojaatlar yuzasidan tegishli chora-tadbirlar belgilandi. Masalalarning ijobiy yechimini ta’minlash maqsadida mutasaddi tashkilotlar bilan hamkorlikda zarur vazifalar belgilab olinib, murojaatlarning ijrosi nazoratga olindi.

Aholi bilan ochiq muloqotni yo‘lga qo‘yish, ularning muammo va takliflarini o‘z vaqtida o‘rganish hamda amaliy yordam ko‘rsatish deputatlik faoliyatining muhim yo‘nalishlaridan biri hisoblanadi.