Termiz shahar “Guliston” mahallasida yashovchi fuqaro Sh.Choriyeva o‘zining uy-joy hujjatlarini rasmiylashtirishda turli qiyinchilik va muammolarga duch kelayotganligi yuzasidan Xalq deputatlari Termiz shahar Kengashiga murojaat qilgan edi.

Mazkur murojaatni joyiga chiqqan holda, atroflicha va sifatli o‘rganish maqsadida viloyat Kengashi deputati G.Kravchenya, shahar Kengashi kotibiyati mudiri A.Ashurov, shahar Kengashi deputati I.Tangirov hamda “Madad” NNTning Termiz shahar vakili M.Xasanovlar fuqaro xonadoniga tashrif buyurdi.

Uchrashuv davomida fuqaro Sh.Choriyevaning uy-joy hujjatlari bilan bog‘liq mavjud muammolari huquqiy jihatdan tahlil qilindi. “Madad” NNT vakili va deputatlar tomonidan fuqaroga qonuniy yechimlar tushuntirilib, hujjatlarni rasmiylashtirish tartib-tamoyillari bo‘yicha bepul huquqiy maslahat va yo‘nalishlar (tavsiyalar) berildi.

"Madad" NNT bilan yo‘lga qo‘yilgan bunday hamkorlik aholining huquqiy savodxonligini oshirish va chalkash muammolarga tezkor yechim topishda muhim omil bo‘lmoqda.