Korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiya "nazorat-tadbiri" amalga oshirildi.

🇺🇿O‘zbekiston Respublikasi Prezidentining 2025-yil 3-yanvardagi PQ–1-sonli qarori ijrosi doirasida, ayniqsa “qizil” va “sariq” toifaga kiruvchi mahallalarda jinoyatchilikni kamaytirish, huquqbuzarlik va korrupsiya holatlarining oldini olish, profilaktik tadbirlarni kuchaytirish hamda jamoat xavfsizligini ta’minlash borasida amalga oshirilayotgan ishlar atroflicha tahlil qilindi.

🎤Xalq deputatlari Quvasoy shahar Kengashining Korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiyasi raisi M.Mexmonov, shahar ichki ishlar bo‘limi boshlig‘i J.Xasanov, adliya bo‘limi boshlig‘i A.Anvarov, shahar hokimi o‘rinbosari, Xotin-qizlar bo‘limi boshlig‘i N.Ubaydullayeva, O‘zbekiston mahallalari uyushmasi shahar bo‘limi rahbari B.Djaloldinov, okrug deputati A.Nazirov hamda kotibiyat mutaxassislari ishtirokida hududlarda o‘rganish ishlari olib borildi.

🇺🇿O‘rganishlar Mahalliy Kengash deputati faoliyatining 24 ta eng muhim yo‘nalishining 20-bandi hamda tasdiqlangan kunlik ish rejasi asosida Namuna mahalla fuqarolar yig‘ini hududida tashkil etildi.

⚖️ Shuningdek, Namuna MFY “yettilik” a’zolari tomonidan amalga oshirilgan ishlar muhokama qilinib, mavjud muammolarni bartaraf etish, aholi bilan manzilli ishlash, profilaktika choralarini yanada kuchaytirish hamda huquqbuzarliklarning oldini olish yuzasidan mas’ullarga tegishli vazifalar belgilab berildi.

✔️ Bunday hamkorlikdagi o‘rganishlar hududlarda tinchlik va osoyishtalikni ta’minlash, huquqbuzarliklarning oldini olish hamda fuqarolarning huquq va manfaatlarini himoya qilishda muhim ahamiyat kasb etadi