Aniqlanishicha, “Farhod” mahallasi Zilola ko‘chasida joylashgan maishiy chiqindilarni yig‘ish maydonchasining amaldagi joylashuvi aholi tomonidan bildirilgan e’tirozlarni inobatga olgan holda qayta ko‘rib chiqilgan. Mutaxassislar xulosasiga asosan chiqindi konteynerlari yig‘ish maydonchasining ichki qismiga ko‘chirilib, hudud sanitariya talablariga muvofiq tartibga keltirildi.

Shuningdek, chiqindilarni o‘z vaqtida olib chiqish, maydoncha atrofini obodonlashtirish va sanitariya holatini yaxshilash bo‘yicha tegishli choralar belgilandi.

Aholi salomatligi, ekologik barqarorlik va hududlar obodligini ta’minlashga qaratilgan mazkur masalaning ijrosi Xalq deputatlari Termiz shahar Kengashi deputatlari hamda “Xalqparvar” komissiyasi tomonidan doimiy nazoratda saqlanadi.