Tashrif davomida deputatlar mahalla raisi bilan uchrashib, mahalla “ettiligi” va vakillarining kunlik faoliyati, aholi murojaatlari bilan ishlash tizimi hamda hududdagi dolzarb masalalarni muhokama qildilar.

Shuningdek, deputat Sh.Allamurodova mahalladagi hokim yordamchisi hamda ijtimoiy xodim faoliyatini o‘rgandi. Ularning aholi bandligini ta’minlash, tadbirkorlikni rivojlantirish va ijtimoiy himoyaga muhtoj oilalarni qo‘llab-quvvatlash borasidagi ish samaradorligi tahlil qilindi.

Mazkur jarayonlar O‘zbekiston Respublikasi Prezidentining PF-209-sonli Farmoni ijrosini ta’minlash hamda mahalliy Kengash deputatlari faoliyati uchun belgilangan “24 ta eng muhim yo‘nalish” doirasida tashkil etilmoqda.

O‘rganishlar davomida Kengash raisi D.Normuradova ushbu hududdan saylangan Kengash deputati Sh.Allamurodovaning deputatlik faoliyatini ham atroflicha tahlil qilib, saylovchilar bilan ishlash va hududiy muammolarni hal etish borasida tegishli tavsiyalarni berdi.