Xalq deputatlari Qo‘qon shahar Kengashi deputati A.Nosirov tomonidan yuborilgan deputatlik so‘rovi yuzasidan mas’ul tashkilot tomonidan rasmiy javob taqdim etildi.

Taqdim etilgan ma’lumotlarga ko‘ra, fuqarolarning ijtimoiy himoyasi va qo‘llab-quvvatlanishini ta’minlash borasida qator ishlar amalga oshirilmoqda.

Kiyim-kechak bilan ta’minlash yo‘nalishida:
Jami 407 ta ariza qabul qilingan;
Shundan 347 ta murojaat ijobiy hal etilgan;
Fuqarolarga 714 million 820 ming so‘mlik yordam ko‘rsatilgan;
60 ta ariza belgilangan mezonlar asosida rad etilgan.

Davolanish va jarrohlik amaliyotlari bo‘yicha:
2 ta murojaat qabul qilingan bo‘lib, ayni paytda ko‘rib chiqish jarayonida.

Uy-joylarni ta’mirlash masalalari yuzasidan:
3 ta murojaat kelib tushgan va ularning barchasi tegishli tartibda o‘rganilmoqda.

Shuningdek, PQ–49-sonli qaror ijrosi doirasida amalga oshirilayotgan 33 ta ish yakunlanish bosqichiga yetkazilayotgani ma’lum qilindi.

Fuqarolar murojaatlarini o‘z vaqtida ko‘rib chiqish, ularning ijtimoiy muammolariga yechim topish va davlat tomonidan ko‘rsatilayotgan yordamlarning manzilliligini ta’minlash masalalari deputat nazoratida qolmoqda.

Xalq deputatlari Qo‘qon shahar Kengashi fuqarolarning murojaatlari bilan ishlash va ularning qonuniy manfaatlarini himoya qilish borasidagi ishlarni izchil davom ettiradi.

Xalq deputatlari Qo‘qon shahar Kengashi