🔸Xalq deputatlari Jizzax shahar Kengashining "Qurilish, kommunal sohalar, ekologiya, sanoat va transport masalalari bo‘yicha" doimiy komissiyasi raisi B.Toshpo‘latov rahbarligida navbatdagi nazorat-tahlil tadbiri o‘tkazildi. Unda shahar Kengashi deputatlari, komissiya aʼzolari hamda soha ekspertlari ishtirok etdilar.

🔸Nazorat-tahlil tadbiri doirasida masʼul tashkilotlarning ekologik barqarorlikni taʼminlash va hududlarni obodonlashtirish bo‘yicha hisoboti atroflicha ko‘rib chiqildi. 

🔸Xususan, shaharda atmosferaga chiqarilayotgan zararli gazlar miqdorini kamaytirish, sanoat korxonalari va transport vositalarining atrof-muhitga taʼsirini jilovlash borasidagi ko‘rsatkichlar tahlil qilindi. 

🔸Shaharni yashil makonga aylantirish, daraxt va buta ko‘chatlarini tizimli ekish hamda ularni parvarishlash ishlariga alohida urg‘u berildi.