Xalq deputatlari Boyovut tumani Kengashi deputati U.Yarlakabov tomonidan “Jo‘langar” mahallasida joylashgan 45-son umumiy o‘rta ta’lim maktabi hududida qurilayotgan qo‘shimcha 180 o‘rinli zamonaviy maktab binosida o‘rganish ishlari olib borildi.

O‘rganish jarayonida qurilish-montaj ishlari belgilangan reja asosida va sifat talablariga muvofiq olib borilayotgani ma’lum bo‘ldi. Mutasaddilar tomonidan taqdim etilgan ma’lumotlarga ko‘ra, mazkur obyektni joriy yilning sentyabr oyida, Mustaqillik bayrami arafasida foydalanishga topshirish rejalashtirilgan.

Yangi o‘quv binosining ishga tushirilishi natijasida o‘quvchilar uchun zamonaviy va qulay ta’lim sharoitlari yaratilishi, maktabning o‘quv quvvati kengayishi hamda ta’lim sifatini yanada oshirishga xizmat qilishi kutilmoqda.

Deputat tomonidan qurilish ishlarining borishi yuzasidan tegishli tavsiyalar berilib, obyektni belgilangan muddatlarda va sifatli yakunlash muhimligi ta’kidlandi.