#Kengash_sessiyalariga_oid
#27_sessiya

Xalq deputatlari Payariq tumani Kengashining 27-sessiyasida viloyat Kengashi deputati Nurmatova Nilufar Ziyadullayevna tomonidan avvalgi sessiyalarda qizil toifaga kiritilgan mahallalardagi profilaktika inspektorlarining sessiya yig‘ilishlarida ishtirokini ta’minlash masalasi ko'tarilgani ammo bu sessiyada ishtiroki taminlanmaganligi yuzasidan savol yo‘llandi.

Mazkur murojaat yuzasidan mas’ul tomonidan qizil toifadagi mahallalarda faoliyat olib borayotgan “mahalla yettiligi” vakillari hamda profilaktika inspektorlarining sessiyalarda muntazam ishtiroki ta’minlanishi aytib o'tildi.

Hududlarda jinoyatchilik va huquqbuzarliklarning oldini olish borasida barcha mutasaddi tashkilotlar birdek mas’ul ekani qayd etildi.

Shuningdek, muammoli mahallalarda nazorat va profilaktik tadbirlarni kuchaytirish, aholi bilan manzilli ishlash hamda hamkorlikni yanada mustahkamlash bo‘yicha tegishli topshiriqlar berilgani ta’kidlandi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|