Aholiga o‘z vaqtida sifatli tibbiy yordam ko‘rsatilishi holati o'rganildi

Xalq deputatlari Chinoz tumani Kengashiga O‘zbekiston Xalq demokratik partiyasidan 2-Xamza saylov okrugidan saylangan deputat Asqar Baxramov tomonidan Kengashning ish rejasiga muvofiq tumandagi Ko‘p tarmoqli markaziy poliklinika faoliyati o‘rganildi.

O‘rganish jarayonida muassasada aholiga o‘z vaqtida va sifatli tibbiy xizmat ko‘rsatish holati tahlil qilindi. Xususan, shifokorlar va tibbiyot xodimlarining faoliyati, bemorlarni qabul qilish tizimi, dori-darmon ta’minoti hamda zamonaviy tibbiy jihozlardan foydalanish darajasi ko‘zdan kechirildi.

Shuningdek, fuqarolar uchun yaratilgan shart-sharoitlar, navbatlar tizimi, sanitariya-gigiyena holati hamda tibbiy xizmatlardan aholining qoniqish darajasi yuzasidan fikr-mulohazalar o‘rganildi.

O‘rganish yakuni bo‘yicha ayrim kamchiliklar yuzasidan tegishli mas’ullarga aniq taklif va tavsiyalar berildi.