Xalq deputatlari Mirzo Ulug‘bek tumani Kengashi deputatlari Mirzo Ulug‘bek tumanida tashkil etilgan vaziyatlar markazining faoliyati bilan yaqindan tanishib chiqdi.

Xalq deputatlari Mirzo Ulug‘bek tumani Kengashi deputati (tuman hokimi) Gaibnazarov Boxodir Rixsialiyevich deputatlarga tashkil etilgan vaziyatlar Markazida sun’iy intellekt asosida tahlil etish, muammolarni tezkor aniqlash va hal etish bo‘yicha “Aqlli tuman” platformasi ishlab chiqilgani sababli tumandagi barcha mahalla vakillari bilan onlayn muloqat qilish, vaziyatdan doimo xabardor bo‘lish imkoniyati yaratilganligi xaqida tushuntirish berdi.

Platforma tarkibidagi “Xavfsiz tuman” tizimi huquqbuzarliklarni monitoring qilish va jamoat xavfsizligini ta’minlashga xizmat qiladi. Tadbirkorlik subyektlarining raqamli xaritasi sun’iy intellekt tahlili asosida soliq tushumlarini prognoz qilish va ularning yig‘iluvchanligini ta’minlashga qaratilgan. “AI Davomat” tizimi esa maktablarda sababsiz dars qoldirish holatlarini bartaraf etish, voyaga yetmaganlar o‘rtasida nazoratsizlikning oldini olishda muhim ahamiyat kasb etadi.