Joriy yilning 8-may kuni xalq deputatlari Buxoro viloyati Kengashining yettinchi chaqiriq 27-sessiyasi boʻlib oʻtdi. Sessiya ishiga viloyat hokimining oʻrinbosarlari, tegishli viloyat boshqarmalari rahbarlari, jamoat tashkilotlari hamda ommaviy axborot vositalari vakillari ishtirok etdi. 

Sessiyani xalq deputatlari viloyat Kengashi raisi Jamol Rajabboyevich Ashurov boshqarib bordi. 

Kun tartibidagi birinchi masala viloyatda jinoyatchilikka qarshi kurashish va barvaqt oldini olish hamda huquqbuzarliklar profilaktikasini amalga oshirish borasida 2026-yilning birinchi choragi davomida amalga oshirilgan ishlar yuzasidan viloyat prokurorning axboroti toʻgʻrisida viloyat prokurori U.Xamdamov axborot berdi.  

Shundan soʻng sessiyada navbatdagi masala Viloyatda Oʻzbekiston Respublikasi qishloq xoʻjaligini rivojlantirishning 2020-2030-yillarga moʻljallangan strategiyasida belgilangan vazifalarning bajarilishi holati toʻgʻrisida davlat aktivlarini boshqarish agentligi viloyat hokimining oʻrinbosari A.Nazarov hisoboti hisobot berdi.  

Shuningdek, xalq deputatlari viloyat Kengashi vakolatiga kiruvchi boshqa masalalar ham koʻrib chiqildi. Bu borada deputatlarning hamfikr mulohazalari va takliflari tinglandi. 

Kun tartibidagi masalalar yuzasidan xalq deputatlari viloyat Kengashining tegishli qarorlari qabul qilindi.