Халқ депутатлари Наманган вилояти Кенгаши депутати, Кенгаш котибияти мудири Т. Гаппаров ҳамда вилоят Кенгаши депутати И. Зиёвиддинов томонидан аҳоли мурожаатларини ўрганиш, жойлардаги мавжуд муаммоларни аниқлаш ва уларга амалий ечим топиш мақсадида сайёр қабул ташкил этилди.

Сайёр қабул давомида фуқаролар томонидан кадастр, бандликни, йўллар таъмири, кўприк ҳамда ижтимоий ҳимояга оид қатор мурожаатлар билдирилди. Ҳар бир мурожаат атрофлича эшитилиб, қабул давомида ижро ҳокимияти ва масъул ташкилот вакиллари томонидан назоратга олинди.

Келиб тушган мурожаатларнинг бир қисми шу жойнинг ўзида ижобий ҳал этилди, қўшимча ўрганиш талаб этиладиган масалалар эса тегишли ташкилотларга йўналтирилиб, уларнинг ижроси депутатлар томонидан назоратга олинди.

Бу каби қабуллар аҳоли билан очиқ мулоқотни таъминлаш, жойлардаги муаммоларни ўз вақтида бартараф этиш ҳамда депутатлик фаолияти самарадорлигини оширишда муҳим аҳамият касб этади.