Xalq deputatlari Nurobod tumani Kengashining navbatdagi sessiyasida muhim ijtimoiy loyiha — ijtimoiy reyestrga kiritilgan I-guruh nogironligi bo‘lgan va mehnatga layoqatli a’zosi mavjud bo‘lmagan oilalar xonadonlarini ta’mirlash orqali energiya samaradorligini oshirish loyihasini moliyalashtirish ro‘yxati ma’qullandi.

Mazkur tashabbus O‘zbekiston Respublikasi Prezidentining 2026-yil 5-fevraldagi PQ-49-sonli qaroriga muvofiq amalga oshirilmoqda. Unga ko‘ra, 2026-yil 1-martdan boshlab ijtimoiy reyestrga kiritilgan ehtiyojmand oilalar xonadonlarida “yashil” ta’mirlash ishlari olib borilishi belgilangan.

✅ Tuman hududida o‘tkazilgan xatlov natijasida “mahalla yettiligi” xulosalari asosida 31 ta ehtiyojmand oila saralab olindi.

💰 Har bir xonadonni ta’mirlash uchun bazaviy hisoblash miqdorining 150 barobari miqdorida mablag‘ ajratilishi belgilangan bo‘lib, jami 1 milliard 916 million so‘m mablag‘:

“Saxovat va ko‘mak” jamg‘armasi

“Yoshlar daftari” jamg‘armasi

“Ayollar daftari” jamg‘armasi

hisobidan teng ulushlarda shakllantirilib, “Infratuzilma va ijtimoiy barqarorlik” jamg‘armasiga yo‘naltirildi.

🔧 Loyiha doirasida xonadonlarda:

devor va tom qismlarini issiqlik izolyatsiyasi qilish,

energiya tejamkor deraza va eshiklar o‘rnatish,

quyosh panellari va geliokollektorlar o‘rnatish ishlari amalga oshiriladi.

🌱 Ushbu loyiha aholining yashash sharoitini yaxshilash, energiya tejamkorligini oshirish hamda ijtimoiy himoyaga muhtoj qatlamni qo‘llab-quvvatlashga xizmat qiladi.