Xalq deputatlari Ishtixon tumani Kengashi deputati Abdurazzaqova Zebo tomonidan "Do‘stlik" mahallasi hududidagi Yangiravot qishlog‘ida mahalla ichki yo‘llarining holati o‘rganildi.

O‘rganish davomida hududdagi ayrim ichki yo‘llari ta’mirtalab holga kelgani, ayniqsa, yomg‘irli kunlarda yo‘llarda loy va suv to‘planib, aholi harakatlanishida noqulayliklar yuzaga kelayotgani aniqlandi.

Hududda yashovchi fuqarolarning murojaatlari hamda joyida olib borilgan o‘rganishlar asosida ushbu masala yuzasidan mutasaddi tashkilotlar bilan hamkorlikda tegishli choralar ko‘rish bo‘yicha taklif va tavsiyalar ishlab chiqiladi.

Mahalla ichki yo‘llarini yaxshilash, aholi uchun qulay sharoit yaratish masalasi doimiy e’tiborda bo‘lib, bu boradagi ishlar izchil davom ettiriladi.

📸 O‘rganish jarayonidan lavhalar.