Sessiya kun tartibiga ko’ra O‘zbekiston Respublikasi Prezidentining Toshkent shahar Mirobod tumani Xalq qabulxonasi tomonidan 2023-yilning 6 oyi davomida aholi bilan to‘g‘ridan-to‘g‘ri muloqotni tashkil etish, jismoniy va yuridik shaxslarning huquqlari, erkinliklari va qonuniy manfaatlarini himoya qilishga qaratilgan uyma-uy yurish, muammolarini aniqlash va ularni hal etish borasida amalga oshirilgan ishlar to‘g‘risida O‘zbekiston Respublikasi Prezidentining Toshkent shahar Mirobod tumani Xalq qabulxonasi mudiri
I.U.Akramovning axboroti, Mirobod tuman Kambag‘allikni qisqartirish va bandlikka ko‘maklashish bo‘limi tomonidan 2023-yilning 6 oy davomida aholi bandligini ta’minlash, hokim yordamchilari faoliyatini muvofiqlashtirish bo‘yicha amalga oshirilgan ishlar to‘g‘risida tuman Kambag‘allikni qisqartirish va bandlikka ko‘maklashish bo‘limi boshlig‘i M.Mirsalixov, Mirobod tuman tibbiyot birlashmasining 2023-yilning 6 oyi davomida reproduktiv salomatlikni saqlash, onalik va bolalikni muhofaza qilish, soha yo‘nalishida amalga oshirilgan ishlar to‘g‘risida tuman tibbiyot birlashmasining bosh shifokori Sh.G.Xudayberdiev, Mirobod tumani mahallalarida yoshlar hamda qizil toifaga kiritilgan yoshlarning muammolarini o‘rganish va hal etish, tadbirkorlik bilan shug‘ullanish, kasbga yo‘naltirish orqali bandligini ta’minlashga ko‘maklashish, borasida 2023-yilning 1-yarim yilligida amalga oshirilgan ishlar to‘g‘risida Yoshlar ishlari Agentligi Mirobod tuman bo‘limi rahbari Y.Kamalov, Mirobod tumanida kuz-qish mavsumiga tayyorgarlikning borishi, aholiga kommunal xizmat ko‘rsatish va hududlarni obodonlashtirishda amalga oshirilayotgan ishlar to‘g‘risida tuman hokimining uy-joy kommunal xizmat bo‘limi boshlig‘i N.Jo‘raev, Mirobod tumani mahalliy byudjetining 2023-yil uchun tasdiqlangan byudjet parametriga o‘zgartirish kiritish to‘g‘risida Mirobod tuman Iqtisodiyot va moliya bo‘limi mudiri J.Oripovning hisobotlari eshitildi.

Sessiyada Xalq deputatlari Mirobod tuman Kengashi deputati Mamanazarov Abduhakim Bozorovich hamda Xalq deputatlari Mirobod tuman Kengashi deputati G’ulomjon Xakimov, Abdullayev Zikirirullo, Naimova Nodiralar so‘zga chiqishdilar va tegishli hisobdorlarga o’z savollarini berib, tizimda yo’l qo’yilgan kamchiliklar bo’yicha takliflar berildi.