#24_ta_tavsiyaviy_savol #Deputat_daftari

❗️ OLMAZOR TUMANIDAGI 15-SONLI MAKTABDA TA’LIM SIFATI VA O‘QUVCHILAR UCHUN YARATILGAN SHAROITLAR O‘RGANILDI

🏛 Xalq deputatlari Toshkent shahar Kengashi deputati Frangiza Akramova tomonidan Olmazor tumanidagi 15-sonli umumta’lim maktabida ta’lim jarayonining tashkil etilishi, o‘quvchilar uchun yaratilgan shart-sharoitlar, maktabning moddiy-texnik bazasi hamda pedagog kadrlar salohiyati yuzasidan o‘rganish ishlari olib borildi.

🏫 O‘rganish davomida ta’lim muassasasining mavjud imkoniyatlari, o‘quvchilar soni, sinflarning shakllantirilishi va ta’lim sifatini oshirishga qaratilgan ishlar tahlil qilindi. Xususan, 960 nafar o‘quvchiga mo‘ljallangan maktabda bugungi kunda 1 763 nafar bola ta’lim olayotgani ma’lum bo‘ldi.

📊 Bu esa maktabning belgilangan sig‘imidan 803 nafar ko‘p o‘quvchi tahsil olayotganini anglatadi. Mazkur holat mavjud o‘quv maydonlaridan samarali foydalanish, ta’lim jarayonini to‘g‘ri tashkil etish hamda o‘quvchilar uchun yetarli va qulay sharoitlar yaratish masalalariga alohida e’tibor qaratish zarurligini ko‘rsatmoqda.

📚 Taqdim etilgan ma’lumotlarga ko‘ra, maktabda jami 54 ta sinf mavjud bo‘lib, shundan 27 tasi o‘zbek tilida, 27 tasi rus tilida ta’lim oluvchi sinflardan iborat. Ta’lim muassasasining umumiy maydoni 25 431 kvadrat metrni tashkil etadi. Maktabda 2022-yilda ta’mirlash ishlari amalga oshirilgan.

🔺 Deputat Frangiza Akramova tomonidan ta’lim sifatini ta’minlashda pedagoglarning kasbiy salohiyati, fanlar bo‘yicha malaka sertifikatlariga ega o‘qituvchilar faoliyati va ularning o‘quvchilar bilimini oshirishdagi o‘rniga ham e’tibor qaratildi.

🎓 Xususan, maktabda ingliz tili fanidan 13 nafar, matematika fanidan 3 nafar, rus tili fanidan 2 nafar, boshlang‘ich ta’lim yo‘nalishidan 2 nafar hamda ona tili va adabiyot fanidan 2 nafar o‘qituvchi tegishli sertifikatlarga ega ekani qayd etildi.

🔎 O‘rganishda maktabning mavjud sig‘imi bilan amaldagi o‘quvchilar soni o‘rtasidagi tafovut alohida e’tibor markazida bo‘ldi. O‘quvchilar sonining loyiha quvvatidan sezilarli darajada yuqoriligi ta’lim jarayonini tashkil etish, sinf xonalaridan foydalanish va maktab infratuzilmasiga tushayotgan yuklamani chuqur tahlil qilish zaruratini yuzaga keltirmoqda.

♻️ Shu bilan birga, mahalliy Kengash deputatlari faoliyatining eng muhim 24 ta ustuvor yo‘nalishi doirasida umumta’lim muassasalarida bolalar uchun yaratilgan sharoitlar, sport infratuzilmasi va mavjud jihozlarning holati, ta’lim muassasalari faoliyatiga daxldor muammolarni joyiga chiqib o‘rganish hamda ularni tegishli mas’ullar bilan hamkorlikda hal etish masalalari muhim ahamiyat kasb etadi.

💡 Mazkur o‘rganish jarayonida olingan ma’lumotlar maktabning mavjud imkoniyatlarini baholash, o‘quvchilar soni bilan bog‘liq yuklamani tahlil qilish hamda ta’lim sifati va infratuzilmani yaxshilash bo‘yicha kelgusidagi takliflarni shakllantirish uchun muhim asos bo‘lib xizmat qiladi.

⚖️ Frangiza Akramova tomonidan olib borilgan o‘rganish ta’lim muassasalarida mavjud holatni bevosita tahlil qilish, bolalarning sifatli ta’lim olish huquqini ta’minlash va maktablarda yaratilgan shart-sharoitlarga deputatlik nazoratini kuchaytirishga qaratildi.

🗣 Ta’lim muassasalarining sig‘imi, pedagoglar salohiyati va moddiy-texnik imkoniyatlarini tizimli o‘rganish — maktablarda sifatli ta’lim va qulay o‘quv muhitini ta’minlashning muhim shartidir.

📱 Telegram 📱 Instagram 📱 Facebook 📱 YouTube 🔎 E-kengash