Xalq deputatlari Qo‘qon shahar Kengashi deputati M.Aminova saylangan 13-“Misgarlik” saylov okrugi hududidagi “Misgarlik” mahalla fuqarolar yig‘inida Kengash Kotibiyati mudiri A.Nosirov tomonidan mahalla raisi Z.Zokirovaning faoliyati yuzasidan o‘rganish ishlari olib borildi.

O‘rganish davomida mahalla raisining kundalik faoliyati, aholi bilan muloqotni tashkil etish, fuqarolarning murojaatlarini qabul qilish va ularni ko‘rib chiqish tartibi bilan tanishildi. Shuningdek, mahallada yuzaga kelayotgan muammolarni aniqlash, ularning sabablarini o‘rganish hamda tegishli tashkilotlar bilan hamkorlikda yechim topish borasida amalga oshirilayotgan ishlar muhokama qilindi.

Mahallaning demografik va ijtimoiy holatiga oid ma’lumotlarga ham e’tibor qaratildi. Ma’lum qilinishicha, “Artizonbo‘yi” mahallasida 382 ta oila va 557 ta xonadon mavjud. Shuningdek, 61 ta oila Ijtimoiy reyestrga kiritilgan bo‘lib, mazkur oilalar bilan ishlash, ularning ehtiyojlarini aniqlash va tegishli ijtimoiy yordam choralarini ko‘rib borish muhim vazifalardan biri hisoblanadi.

O‘rganish chog‘ida mahalla raisining aholi bilan hamkorligini mustahkamlash, ijtimoiy himoyaga muhtoj oilalarning holatidan muntazam xabardor bo‘lish hamda fuqarolar murojaatlariga o‘z vaqtida munosabat bildirish masalalariga alohida e’tibor qaratildi. Mahalladagi mavjud masalalarni tizimli ravishda o‘rganish va ularni hal etishda mas’ul tashkilotlar bilan hamkorlik qilishning ahamiyati ta’kidlandi.

Xalq deputatlari Qo‘qon shahar Kengashi