🔰Davomat va tarbiya – deputatlar e’tiborida

🔺Xalq deputatlari Jondor tumani Kengashi deputati H. Karayeva, tuman Kengashi kotibiyati mudiri I. Xolov hamda tuman IIB profilaktika inspektorlari hamkorligida Yangiobod mahallasida joylashgan 18-umumiy o‘rta ta’lim maktabida profilaktik suhbat tashkil etildi.
🔺Tadbirning asosiy maqsadi o‘quvchilar o‘rtasida dars mashg‘ulotlarini sababsiz qoldirish, salbiy xulq-atvor va huquqbuzarliklarning oldini olish, voyaga yetmaganlar o‘rtasida sog‘lom ma’naviy muhitni shakllantirishdan iborat bo‘ldi.
🔺Suhbat davomida o‘quvchilarga ta’lim olishning ahamiyati, maktab ichki tartib-qoidalariga rioya etish, odob-axloq me’yorlariga amal qilish hamda har bir xatti-harakat uchun mas’uliyatni his etish yuzasidan tushuntirishlar berildi. Shuningdek, darslarni muntazam qoldirishning salbiy oqibatlari va huquqbuzarliklarning oldini olishda oila, maktab hamda mahalla hamkorligining muhimligi alohida ta’kidlandi.
🔺Deputat H. Karayeva yoshlar ta’lim-tarbiyasiga befarq bo‘lmaslik, muammoli vaziyatlarni o‘z vaqtida aniqlash va har bir o‘quvchiga individual yondashish zarurligiga e’tibor qaratdi.
🔺Bunday profilaktik tadbirlar yoshlarning ta’limga bo‘lgan mas’uliyatini oshirish, ularni sog‘lom turmush tarziga yo‘naltirish hamda voyaga yetmaganlar o‘rtasida huquqbuzarliklarning oldini olishga xizmat qiladi.
🔺O‘quvchilar davomatini ta’minlash va yoshlar tarbiyasiga mas’uliyat bilan yondashish deputatlik nazoratining muhim yo‘nalishlaridan biridir.

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt