Xalq deputatlari Payariq tumani Kengashi

Yangiliklar

So‘ngi yangiliklar

Xalq deputatlari Payariq tumani Kengashining 6-Farovon saylov okrugidan saylangan deputati N.Ochilova aholining ijtimoiy ehtiyojmand qatlamlarini qo‘llab-quvvatlash va ularning huquqlarini himoya qilish masalalariga e’tibor qaratmoqda.

Xalq deputatlari Payariq tumani Kengashi doimiy komissiyasi raisi A. Maxammatov hamda Kengash kotibiyati mudiri J. Axunov tomonidan 2026-yil 10-sentabrdagi KQ-393-V-sonli “Qoraqalpog‘iston Respublikasi respublika budjetining, viloyatlar viloyat budjetlarining, Toshkent shahri shahar budjetining, tumanlar va shaharlar budjetlarining qo‘shimcha manbalarini aniqlash va ulardan foydalanish tartibi to‘g‘risidagi namunaviy nizomga o‘zgartirish va qo‘shimchalar kiritish haqida”gi qaror mazmuni ham muhokama qilindi.

Xalq deputatlari Payariq tumani Kengashi doimiy komissiyasi raisi A. Maxammatov hamda Kengash kotibiyati mudiri J. Axunov tomonidan tuman Iqtisodiyot va moliya bo‘limida Payariq tumani budjetining qo‘shimcha manbalari hisobidan mablag‘larni yo‘naltirish masalasi o‘rganildi.

Xalq deputatlari Payariq tumani Kengashining 6-Farovon saylov okrugidan saylangan deputati N.Ochilova tomonidan saylovchilar bilan uchrashuv o‘tkazilib, uchinchi chorak davomida amalga oshirilgan ishlar yuzasidan axborot berildi.

Xalq deputatlari Payariq tumani Kengashi Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining 2026-yil 16-oktabrdagi DKQ03-01/96-26-son qarori imzolandi.

Xalq deputatalari Payariq tumani Kengashi deputati tomonidan "Samarqand suv ta'minot" AJ tuman filiali boshlig'i J.Abdullayevga deputatlik so'rovi yuborildi.

Xalq deputatlari Payariq tumani Kengashining 10-Darvishiq saylov okrugidan saylangan deputati A.Maxammatov Javshar ota mahallasida mahalla raisi hamda hokim yordamchisi bilan uchrashib, aholi bilan ishlash, fuqarolarning bandligini ta’minlash va ularning moliyaviy savodxonligini oshirish masalalari yuzasidan suhbatlashdi.

Xalq deputatlari Payariq tumani Kengashi huzuridagi Yoshlar maslahat guruhi a’zosi Sh. Mamayusupov ma’naviy-ma’rifiy tadbirda ishtirok etdi.

Xalq deputatlari Payariq tumani Kengashi raisi A.Tavboyev tomonidan tuman Madaniyat bo‘limida o‘rganish ishlari olib borildi.

Xalq deputatlari Payariq tumani Kengashining 22-To‘polos saylov okrugidan saylangan deputati X.Raxmonova xotin-qizlar bilan uchrashib, ularning bandligini ta’minlash va tadbirkorlik faoliyatini yo‘lga qo‘yish masalalariga e’tibor qaratdi.

DEPUTATLIK SO‘ROVI AMALIY NATIJA BERMOQDA: CHORRAHAGA SVETOFOR O‘RNATILMOQDA

DEPUTATLIK SO‘ROVI AMALIY NATIJA BERMOQDA: CHORRAHAGA SVETOFOR O‘RNATILMOQDA

Xalq deputatlari Namangan shahar Kengashi deputati Sherzod Sadikov tashabbusi bilan fuqarolar murojaatida ko‘tarilgan yo‘l harakati xavfsizligi masalasini hal etish bo‘yicha amaliy ishlar olib borilmoqda.

Baynalminal va Diyor mahallalari fuqarolarining murojaatlari asosida Nodira, To‘raqo‘rg‘on va N. Namangoniy ko‘chalari kesishmasida transport tirbandliklarini kamaytirish, haydovchilar va piyodalar xavfsizligini ta’minlash maqsadida svetofor o‘rnatish hamda piyodalar o‘tish joyini tashkil etish yuzasidan 2026-yil 12-may kuni

46-ds-319-26-sonli deputatlik so‘rovi yuborilgan edi. (https://t.me/Namanganshaharkengashi/6023)

Mazkur so‘rov yuzasidan Namangan viloyati Ichki ishlar boshqarmasi Jamoat xavfsizligi xizmati Yo‘l harakati xavfsizligi boshqarmasi tomonidan javob xati taqdim etilib, chorrahaga svetofor obyektini qurish maqsadga muvofiqligi bildirilgan. Shuningdek, 2026-yil 19-may kuni Namangan shahar hokimligiga tegishli taklif kiritilgani ma’lum qilingan.

Ayni vaqtda ushbu chorrahada svetofor o‘rnatish ishlari amalga oshirilmoqda.

Mazkur ishlar, avvalo, yo‘l harakati xavfsizligini oshirish, piyodalar, jumladan, maktab o‘quvchilarining xavfsiz harakatlanishi uchun qulay sharoit yaratish hamda transport oqimini tartibga solishga xizmat qiladi.

Ushbu faoliyat mahalliy Kengash deputati faoliyatining eng muhim yo‘nalishlari bo‘yicha tavsiyalarning 8-bandi — yo‘llar holati, transport tirbandliklari va yo‘l-transport hodisalarini kamaytirishga qaratilgan chora-tadbirlar bilan bevosita bog‘liq.

Shuningdek, O‘zbekiston Respublikasining “Yo‘l harakati to‘g‘risida”gi Qonuni hamda “Xalq deputatlari viloyat, tuman va shahar Kengashi deputatining maqomi to‘g‘risida”gi Qonuni doirasida deputatlik so‘rovi orqali fuqarolarni qiynayotgan masalalarni vakolatli tashkilotlar bilan hamkorlikda hal etish muhim ahamiyat kasb etadi.

Fuqarolar murojaatlari asosida ko‘tarilgan masalaning amaliy yechim topishi deputatlik nazoratining aholi manfaatlarini ta’minlash, mavjud muammolarni bartaraf etish va hududlarda xavfsiz harakatlanish sharoitlarini yaxshilashdagi ahamiyatini namoyon etadi.

Slide 1 of 7