🏛 Xonchorbog‘ mahallasida faoliyat rejasi muhokama qilinib, oilaning holati o‘rganildi
Xalq deputatlari Pastdarg‘om tumani Kengashi deputati D.Jabborova tomonidan Xonchorbog‘ mahallasida kambag‘allikni qisqartirish, aholini daromadli mehnat bilan ta’minlash va ijtimoiy xizmatlardan foydalanish imkoniyatlarini yaxshilash bo‘yicha ishlar davom ettirilmoqda.
🤝 O‘rganish jarayonida deputat Ishchi guruh a’zolari bilan birgalikda faoliyat rejasini muhokama qildi hamda tuman Kengashi kotibiyati tomonidan shakllantirilgan oilalar ro‘yxati asosida manzilli o‘rganish ishlarini olib bordi.
🏠 Jumladan, ijtimoiy reyestrda turuvchi Abdusattorova Gulbahor oilasining yashash sharoiti bilan yaqindan tanishildi.
🔎 O‘rganish davomida:
🔹 oilani kambag‘allikdan chiqarish imkoniyatlari;
🔹 daromadli mehnat bilan bandligini ta’minlash;
🔹 tibbiy, ta’lim va boshqa ijtimoiy xizmatlarga ehtiyojlari;
🔹 xonadonning sanitariya va obodonlashtirish holati;
🔹 tomorqa yer maydonidan samarali foydalanish imkoniyatlari;
🔹 mavjud daromad manbalarini kengaytirish masalalari
atroflicha ko‘rib chiqildi.
📋 Shuningdek, oila uchun belgilangan chora-tadbirlarning amaliy ijrosi tahlil qilinib, mavjud muammolarni bartaraf etish va oilaning daromad manbalarini kengaytirish bo‘yicha tegishli vazifalar belgilandi.
🤝 Manzilli o‘rganish va deputatlik nazorati davom ettiriladi.