Aholi salomatligini muhofaza qilish, kasalliklarni erta aniqlash va fuqarolarga tibbiy xizmatlardan foydalanish uchun qulay sharoit yaratish — deputatlik faoliyatining muhim yo‘nalishlaridan biridir.

Xalq deputatlari Termiz shahar Kengashining 23-"Pattakesar" saylov okrugidan saylangan deputat T.Berdiyev tashabbusi bilan Alpomish mahallasida istiqomat qiluvchi fuqarolar va nuroniylar uchun 3-sonli oilaviy poliklinikada tibbiy ko‘rik tashkil etildi.
Tibbiy ko‘rik davomida fuqarolarning salomatlik holati tibbiyot xodimlari tomonidan ko‘zdan kechirilib, zarur hollarda tegishli tibbiy tavsiyalar berildi.

Aholi bilan muloqot davomida ularning sog‘lig‘i bilan bog‘liq murojaatlari, tibbiy xizmatlardan foydalanishdagi ehtiyojlari va mavjud masalalari ham tinglandi.

🤝 Deputat T.Berdiyev tashabbusining amaliy ahamiyati shundaki, fuqarolar tibbiy ko‘rikdan o‘tish bilan birga, o‘zlarini qiziqtirayotgan masalalar yuzasidan mutaxassislardan bevosita maslahat olish imkoniga ega bo‘ldilar.

Mazkur tadbir aholi salomatligini mustahkamlash, kasalliklarni barvaqt aniqlash va fuqarolarning tibbiy madaniyatini oshirishga xizmat qiladi.

📌 Deputatlik faoliyati — faqat muammoni o‘rganish emas, balki tashabbus ko‘rsatib, uning amaliy yechimiga ko‘maklashishdir.