#19_1_Modda_ijrosi

❗️ CHILONZOR TUMANIDAGI 15-SON BOLALAR MUSIQA VA SAN’AT MAKTABI FAOLIYATI O‘RGANILDI

🏛 Xalq deputatlari Toshkent shahar Kengashining Yoshlar siyosati, madaniyat va sport masalalari bo‘yicha doimiy komissiyasi raisi Jamila Shermuxammedova, Xalq deputatlari Toshkent shahar Kengashi huzuridagi Yoshlar maslahat guruhi rahbari va a’zolari hamda Toshkent shahar madaniyat boshqarmasining mutasaddi xodimlari ishtirokida Chilonzor tumanidagi 15-son Bolalar musiqa va san’at maktabida o‘rganish ishlari olib borildi.

🔺 O‘rganish davomida ta’lim muassasasining bugungi faoliyati, o‘quv jarayonlarining tashkil etilishi, bolalarning musiqa va san’at yo‘nalishlarida ta’lim olishi uchun yaratilgan shart-sharoitlar hamda maktabning moddiy-texnik bazasi bilan yaqindan tanishildi.

🎼 Xususan, maktabning musiqa asboblari va o‘quv jihozlari bilan ta’minlanganlik darajasi, mavjud jihozlarning holati, o‘quv xonalarining qulayligi hamda ta’lim sifatini yanada oshirish masalalariga alohida e’tibor qaratildi. Shuningdek, muassasaning bino va inshootlari holati, mavjud imkoniyatlardan samarali foydalanish hamda moddiy-texnik bazani mustahkamlash bilan bog‘liq masalalar o‘rganildi.

🎶 Jarayon davomida o‘rganish ishtirokchilari maktabning yosh va iste’dodli o‘quvchilari tomonidan namoyish etilgan ijodiy ishlar bilan tanishib, ularning ijrosidagi kuy va musiqiy chiqishlardan bahramand bo‘ldi. Yosh iste’dodlarning san’atga bo‘lgan qiziqishi, ijodiy izlanishlari va erishayotgan yutuqlari e’tirof etilib, ularning iste’dodini yanada rivojlantirish hamda qo‘llab-quvvatlash muhimligi ta’kidlandi.

📝 O‘rganish jarayonida maktab rahbariyati va pedagog xodimlar bilan suhbatlashilib, o‘quv dasturlarining tashkil etilishi, pedagog kadrlar bilan ta’minlanganlik, ularning malakasini oshirish hamda yosh mutaxassislarni sohaga jalb etish borasidagi ishlar yuzasidan fikr almashildi.

🎹 Shu bilan birga, iste’dodli va ijodkor yoshlarni aniqlash, qo‘llab-quvvatlash va rag‘batlantirish, o‘quvchilarni respublika va xalqaro miqyosdagi tanlov hamda festivallarga jalb etish, ularning ijodiy salohiyatini rivojlantirish masalalari ham e’tibor markazida bo‘ldi.

♻️ Ayniqsa, bolalarning musiqa va san’at ta’limi bilan qamrab olinishi, ijtimoiy himoyaga muhtoj oilalar farzandlari hamda nogironligi bo‘lgan bolalar uchun yaratilgan imkoniyatlar, o‘quvchilarning xavfsizligini ta’minlash va ular uchun qulay ta’lim muhitini shakllantirish masalalariga alohida ahamiyat qaratildi.

📚 Shuningdek, maktabda tashkil etilayotgan madaniy-ma’rifiy tadbirlar, konsert dasturlari, ko‘rik-tanlovlar va festivallar, ularning yosh avlodni milliy qadriyatlar, madaniyat va san’atga hurmat ruhida tarbiyalashdagi o‘rni yuzasidan masalalar ko‘rib chiqildi.

🔍 O‘rganish davomida muassasa faoliyatiga oid tashkiliy-huquqiy, moliyaviy, moddiy-texnik, kadrlar va o‘quvchilar bilan ishlash yo‘nalishlari bo‘yicha belgilangan savolnoma asosida tegishli masalalarga e’tibor qaratildi. Maktab faoliyatini yanada takomillashtirish, mavjud sharoitlarni yaxshilash hamda bolalar uchun sifatli musiqa va san’at ta’limini ta’minlashga doir taklif va mulohazalar muhokama qilindi.

💡 Mazkur o‘rganishlar madaniyat va san’at ta’limi muassasalari faoliyatini yanada rivojlantirish, mavjud muammolarni aniqlash hamda ularning yechimlari yuzasidan tegishli takliflarni ishlab chiqishga qaratilgan.

📱 Telegram 📱 Instagram 📱 Facebook 📱 YouTube 🔎 E-kengash