Xalq deputatlari Bekobod shahar kengashi 1-“Yangihayot” saylov okrugi deputati O‘zXDP a’zosi U.Abdunazarovga doimiy komissiya a’zosi sifatida biriktirilgan “Bekobod dehqon bozori” MChJ direktori O.Yorbekov bilan hamkorlikda ish olib borildi. Bugungi kunda zamon talablaridan kelib chiqqan holda “Bekobod dehqon bozori” MChJ tomonidan 4,5 mlrd.so‘mlik o‘z mablag‘lari hisobidan rekonstruksiya ishlari amalga oshirilishi belgilangan. Shunda 3 ta yirik ob’ektlar, ya’ni sabzavot, yangi go‘sht pavilioni va yangi poliz va meva mahsulotlari uchun pavilionlar qurilishi mo‘ljallanmoqda. Natijada 62 ta yangi do‘konlar va 40 ta savdo o‘rinlari yaratilidi. Bozor hududida jinoyatchilik va huquqbuzarlikni oldini olish borasida 17 feyskameralar, 69 ta kuzatuv kameralari va 6 ta davlat raqamlarini aniqlashga mo‘ljallangan kameralar o‘rnatilgan. Bugungi kunda bozor hududidagi kanalizatsiya tarmog‘ini tartibga keltirish borasida “Bekobodsuvoqava” korxonasi bilan hal etilishi lozim bo‘lgan masalalar
mavjud. Ushbu muammoni hal etish yuzasidan shahar hokimligiga va “Bekobodsuvoqava” tarmog‘iga murojaat etilishi belgilandi.