🏛 Xalq deputatlari Oltinsoy tuman Kengashining 15-“Jobu” saylov okrugi deputati Qarshiyev Muzaffar Mirzaxmadovich tomonidan hududdagi aholi xonadonlarini oʻrganish va ehtiyojmand oilalarga amaliy koʻmak berish ishlari izchil davom ettirilmoqda.

🤝 Deputat oʻz saylov okrugiga qarashli “Jobu” va “Nurofshon” mahalla fuqarolar yigʻinlarida boʻlib, xonadonma-xonadon yurgan holda fuqarolarning yashash sharoitlari, taklif hamda ehtiyojlarini atroflicha oʻrgandi.

🎁 Tashrif davomida joylardagi ehtiyojmand va ijtimoiy himoyaga muhtoj oilalar holidan xabar olinib, ularga moddiy hamda maʼnaviy jihatdan amaliy yordamlar koʻrsatildi. Fuqarolar bilan kechgan samimiy muloqotlarda ularni qiynab kelayotgan masalalar tinglandi va yechimi boʻyicha tegishli chora-tadbirlar belgilab olindi.

💬 "Aholi bilan doimiy muloqotda boʻlish, ularning gʻam-tashvishlari va ehtiyojlarini oʻz vaqtida oʻrganib, amaliy yordam berish biz – deputatlarning asosiy burchimizdir," – deydi M.Qarshiyev.

✨ Bu kabi ezgu va savobli tadbirlar saylov okrugi boʻylab izchil ravishda davom ettiriladi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz